Италиялик инсайдер Фабрицио Романо ўз подкастида «Арсенал»даги трансфер янгиликлари ҳақида тўхталди.
«Риккардо Калафьоридан кейин «Арсенал»нинг асосий эътибори ярим ҳимояга қаратилади. Микель Мерино уларнинг рўйхатида кучли вариант бўлиб қолмоқда. Улар ҳозирча «Реал Сосьедад»га ҳеч қандай таклиф билан чиқишмаган. Нега? Чунки «Арсенал» шундай ишлашни яхши кўради — битта келишувдан кейин янгисига.
«Арсенал» учун баъзи сотувларни якунлаш муҳим. Биламизки, Смит Роу «Фулхэм»га ўтишга яқин, улар «Марсель» билан Нкетиа учун келишув устида ишламоқда, Нелсоннинг «Лестер»га ўтиши ҳам эҳтимоли бор, шунинг учун музокаралар давом этмоқда», - деди Романо.
