Tom Xiton "Manchester Yunayted"ni APLning yuqori pog‘onasiga qaytarish istagi borligini ma’lum qildi.
O‘tgan mavsumda jamoa turnir jadvalida sakkizinchi o‘rinni egalladi, ammo Angliya kubogini qo‘lga kiritdi.
"Murabbiy boshchiligida ikki mavsumda ikkita sovrin - bu ajoyib natija. Bizda yaxshi poydevor qo‘yilgan.
Klubga yangi xo‘jayinlar kelishdi va ular jamoani qayerga olib borishni xohlashlari haqida aniq tasavvurga ega. Biz buni his qilamiz.
"Manchester Yunayted" qayerda bo‘lishi kerakligini hammamiz bilamiz. Biz hozir u yerda emasmiz, lekin biz bu bo‘shliqni bartaraf etishga harakat qilmoqdamiz.
Gap jamoani bosqichma-bosqich shakllantirishda. Menimcha, buning uchun bizda yaxshi asos bor.
Klubga muvaffaqiyat keltirish, sovrinlarni qo‘lga kiritish va Premyer-liganing eng yuqori pog‘onasida bo‘lish istagi bor. Biz shuni xohlaymiz", - deydi “Manchester Yunayted” darvozaboni Tom Xiton.
