Huquqlari «Sporting Lissabon»ga tegishli bo‘lgan markaziy hujumchi Viktor Dyokeresh Angliya chempionatining top-klubiga o‘tishi mumkin.
"Football Insider" xabariga ko‘ra, 26 yoshli shvesiyalik hujumchini o‘z safiga qo‘shib olishga Londonning «Arsenal» va «Tottenxem» hamda «Liverpul» klublari qiziqmoqda. "Transfermarkt" portali ma’lumotlariga ko‘ra, Dyokereshning bozor qiymati 65 million yevroga baholanmoqda.
O‘tgan mavsumda shvesiyalik hujumchi barcha musobaqalarda 50ta o‘yin o‘tkazdi. Viktor 43 ta gol va 15 ta golli uzatmani amalga oshirdi. Uning shartnomasi 2028 yilning yoziga qadar mo‘ljallangan.
