"Liverpul" tayanch yarim himoyachisi Vataru Endo "qizillar" 32 yoshli vinger Muhammad Salohga o‘rinbosar qidirayotganini aytdi.
"Muhammad Salohning o‘rniga nomzod qidirish boshlandi. "Liverpul" bu o‘rindagi bo‘shliqni to‘ldirishi kerak. Menimcha, Takefusa Kubodan boshqa hech kim Salohning o‘rnini bosa olmaydi" - dedi Endo yapon televideniyesida.
Avvalroq, OAVda Misrlik hujumchi xizmatlariga Saudiya Arabistoni klublari qiziqish bildirayotgani haqida xabarlar paydo bo‘lgandi.
Saloh "mersisaydliklar" safida 2017 yildan beri o‘ynab kelmoqda. Bu davrda u barcha turnirlarda 349 ta uchrashuvda qatnashib, 211 ta gol va 89 ta golli uzatmani amalga oshirgan. Futbolchining klub bilan amaldagi shartnomasi 2025 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 55 million yevroni tashkil qiladi.
