"Ливерпуль" таянч ярим ҳимоячиси Ватару Эндо "қизиллар" 32 ёшли вингер Муҳаммад Салоҳга ўринбосар қидираётганини айтди.
"Муҳаммад Салоҳнинг ўрнига номзод қидириш бошланди. "Ливерпуль" бу ўриндаги бўшлиқни тўлдириши керак. Менимча, Такефуса Кубодан бошқа ҳеч ким Салоҳнинг ўрнини боса олмайди" - деди Эндо япон телевидениесида.
Аввалроқ, ОАВда Мисрлик ҳужумчи хизматларига Саудия Арабистони клублари қизиқиш билдираётгани ҳақида хабарлар пайдо бўлганди.
Салоҳ "мерсисайдликлар" сафида 2017 йилдан бери ўйнаб келмоқда. Бу даврда у барча турнирларда 349 та учрашувда қатнашиб, 211 та гол ва 89 та голли узатмани амалга оширган. Футболчининг клуб билан амалдаги шартномаси 2025 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 55 миллион еврони ташкил қилади.
