«Arsenal» hujumchisi Eddi Nketia faoliyatini Fransiya chempionatida davom ettirishi mumkin.

"The Athletic" xabariga ko‘ra, «Marsel» 25 yoshli forvardni o‘z safida ko‘rmoqchi. Avvalroq, fransuz klubi futbolchi bilan shaxsiy shartnoma shartlari bo‘yicha kelishib olgani haqida ma’lumotlar paydo bo‘lgandi. Endi manbaning xabar berishicha, «Marsel» «Arsenal»ga taklifini yaxshilagan - klub hujumchi uchun 20 million yevro to‘lashga tayyor, muzokaralar faol pallada. Agar Nketia «Marsel»ga o‘tsa, uning klub bilan shartnomasi 2029 yilgacha mo‘ljallangan bo‘ladi.

O‘tgan mavsumda forvard Premyer-ligada 27 ta uchrashuvida maydonga tushib, raqiblar darvozasiga 5 bor to‘p kiritgan.