«Арсенал» ҳужумчиси Эдди Нкетиа фаолиятини Франция чемпионатида давом эттириши мумкин.
"The Athletic" хабарига кўра, «Марсель» 25 ёшли форвардни ўз сафида кўрмоқчи. Аввалроқ, француз клуби футболчи билан шахсий шартнома шартлари бўйича келишиб олгани ҳақида маълумотлар пайдо бўлганди. Энди манбанинг хабар беришича, «Марсель» «Арсенал»га таклифини яхшилаган - клуб ҳужумчи учун 20 миллион евро тўлашга тайёр, музокаралар фаол паллада. Агар Нкетиа «Марсель»га ўтса, унинг клуб билан шартномаси 2029 йилгача мўлжалланган бўлади.
Ўтган мавсумда форвард Премьер-лигада 27 та учрашувида майдонга тушиб, рақиблар дарвозасига 5 бор тўп киритган.
