Premyer-liga "Vest Xem"ga Lukas Paketani 2024/25 yilgi mavsum uchun ro‘yxatdan o‘tkazishga ruxsat berdi.

26 yoshli braziliyalik yarim himoyachi kelasi mavsumda o‘yinlarda qatnashishi mumkin.

Avvalroq Angliya futbol assosiasiyasi (FA) futbolchini pul tikish orqali pul ishlash maqsadida o‘yinga ta’sir o‘tkazganlikda ayblagan edi.

U Premyer-liga doirasidagi "Lester" (2022 yil 12 noyabr), "Aston Villa" (2023 yil 12 mart), "Lids" (2023 yil 21 may) va "Bornmut" (2023 yil 12 avgust) jamoalariga qarshi o‘yinlarda o‘zini tutishi bilan bog‘liq to‘rtta jinoyatda ayblangan.

Xabar qilinishicha, FA protokolida futbolchining aybi isbotlansa, unga bir umrlik futboldan chetlatish tavsiyasi bor.