"Vest Xem" so‘nggi Yevropa chempionatida Germaniya terma jamoasi safida ikkita gol urgan hujumchi Niklas Fyullkrugni o‘z safiga qo‘shib olmoqchi. Jurnalist Florian Plettenbergning ijtimoiy tarmoqlarda xabar berishicha, London klubi "Borussiya"ga bonuslar bilan birga 25 million yevro miqdorida rasmiy taklif bilan chiqqan.

Dortmundliklar ko‘proq - 30 million yevro ishlab olishni istashsa-da, hozircha bu taklifni rad etgani yo‘q. "Vest Xem" bunchalik ko‘p pul to‘lashga tayyor emas.

31 yoshli Fyullkrugning o‘zi "Vest Xem"ga o‘tishni istamoqda. Nemis futbolchi "bolg‘achilar" bilan yana bir yilga uzaytirish imkoniyati bilan uch mavsumga shartnoma imzolashi mumkin.