"Вест Хэм" сўнгги Европа чемпионатида Германия терма жамоаси сафида иккита гол урган ҳужумчи Никлас Фюллькругни ўз сафига қўшиб олмоқчи. Журналист Флориан Плеттенбергнинг ижтимоий тармоқларда хабар беришича, Лондон клуби "Боруссия"га бонуслар билан бирга 25 миллион евро миқдорида расмий таклиф билан чиққан.
Дортмундликлар кўпроқ - 30 миллион евро ишлаб олишни исташса-да, ҳозирча бу таклифни рад этгани йўқ. "Вест Хэм" бунчалик кўп пул тўлашга тайёр эмас.
31 ёшли Фюллькругнинг ўзи "Вест Хэм"га ўтишни истамоқда. Немис футболчи "болғачилар" билан яна бир йилга узайтириш имконияти билан уч мавсумга шартнома имзолаши мумкин.
