"Real Madrid" bosh murabbiyi Karlo Anchelotti "Milan" bilan o‘rtoqlik uchrashuvidan (0:1) so‘ng jamoaga yangi kelgan hujumchi Endrikning o‘yini haqida gapirdi.

18 yoshli braziliyalik futbolchi asosiy tarkibda maydonga tushdi va birinchi bo‘limni to‘liq o‘tkazdi.

"Endrik ba’zida o‘zining sifatini ko‘rsatdi. Unda o‘ziga xos narsa bor. U maksimal tezlikka erishishga qodir, u juda mahoratlidir. Bunday o‘yinchi juda kamdan-kam topiladi", - deya Anchelottining so‘zlarini keltiradi Marca.

Endrik 2024-yil iyulida “Palmeyras”dan “Real”ga o‘tgan edi. Transfer summasi 47,5 million yevroni tashkil qildi, futbolchining klub bilan shartnomasi 2030 yilning yoziga qadar mo‘ljallangan. Transfermarmarkt hujumchini 60 million yevroga baholamoqda.