"Реал Мадрид" бош мураббийи Карло Анчелотти "Милан" билан ўртоқлик учрашувидан (0:1) сўнг жамоага янги келган ҳужумчи Эндрикнинг ўйини ҳақида гапирди.
18 ёшли бразилиялик футболчи асосий таркибда майдонга тушди ва биринчи бўлимни тўлиқ ўтказди.
"Эндрик баъзида ўзининг сифатини кўрсатди. Унда ўзига хос нарса бор. У максимал тезликка эришишга қодир, у жуда маҳоратлидир. Бундай ўйинчи жуда камдан-кам топилади", - дея Анчелоттининг сўзларини келтиради Marca.
Эндрик 2024-йил июлида “Палмейрас”дан “Реал”га ўтган эди. Трансфер суммаси 47,5 миллион еврони ташкил қилди, футболчининг клуб билан шартномаси 2030 йилнинг ёзига қадар мўлжалланган. Transfermarmarkt ҳужумчини 60 миллион еврога баҳоламоқда.
