Britaniyalik jurnalist Teylor O'Higgins Olimpiada o‘yinlarining chorak finalida O‘zbekiston terma jamoasi bokschisi Ruslan Abdullayevning jangi natijasidan norozi bo‘ldi.
Vazni 63,5 kilogrammgacha bo‘lgan bokschilar yarim finali uchun kechgan jangda Abdullayev kanadalik Uaytt Senfordga yutqazib qo‘ydi – 1:4. Hakamlar faqatgina birinchi raundda o‘zbekistonlik sportchining g‘alabasini e’tirof etdi.
"Abdullayev—Senford jangidagi ochkolar hisoblanishi mutlaqo kulgili hol. O‘zbekistonlik dastlabki ikki raundda yaqqol yetakchilik qildi, biroq uchinchi raundga kelib kuchlar tenglashdi, unda Senford yaxshiroq ko‘rindi va natijada g‘alabani “yulib” oldi.
Men bu sportni tark etaman. Bu mening havaskor boksdagi so‘nggi yilim bo‘ladi. Sarmoya kiritishga arzimaydigan juda ko‘p be’maniliklar sodir bo‘lmoqda", deb yozdi g‘azablangan O'Higgins.
