Bugun, 2 avgust kuni Samarqandda «Dinamo» va «Nasaf» o‘rtasida nazorat bahsi o‘tkazildi.
«Dinamo» stadionida yopiq eshiklar ostida o‘tgan bahsda Vadim Abramov va Ro‘ziqul Berdiyev bir qator yangi futbolchilarni ham sinovdan o‘tkazdi. Uchrashuvning 40-daqiqasida Kojo Joel hisobni ochdi – 1:0.
Birinchi taym yakunida esa Cholovichning uzatmasidan so‘ng Sherzod Nasrullayev hisobni qisqartirdi – 1:1.
Ikkinchi bo‘limda ikki tomonda ham g‘alaba golini urish imkoniyati bo‘lsa-da, jamoalar joriy mavsumdagi uchinchi to‘qnashuvda ham durang qayd etishdi.
O‘rtoqlik o‘yini. 2 avgust
«Dinamo» - «Nasaf» - 1:1
Gollar: Kojo Joel 40 – Sherzod Nasrullayev 45.
«Dinamo»: Ravshanbek Yagudin, Dushan Miyich, Jahongir O‘rozov, Muhammadali Tursunov, Salim Mustafoyev, Ulug‘bek Abdullayev, Duglas Maykon, Humoyunmirzo Iminov, Fransis Narh, Anvarjon Hojimirzayev, Kojo Joel
Zaxiradan maydonga tushganlar: Farhod Rahmatov, Vohid Oqbo‘tayev, Sanjar Shoahmedov, Abubakr Muydinov, Xislat Xalilov, Dilshod Rahmatullayev.
«Nasaf»: Umidjon Ergashev, Igor Golban, G‘olib G‘aybullayev, Dilshod Komilov, Sherzod Nasrullayev, Akmal Mozgovoy, Marko Stanoyevich, Jambuli Jigauri, Oybek Bozorov, Stefan Cholovich, Bobur Abduxoliqov.
Zaxiradan maydonga tushganlar: Javohir Siddiqov, Sharof Muhitdinov, Valentin Yuell, Shahzod Akramov, Muhammadjon Valiyev, Doniyor Narzullayev.
