Parij Olimpiadasida dzyudo bo‘yicha musobaqalarning aralash jamoaviy turi bo‘yicha 1/4 final bosqichi bo‘lib o‘tdi.

Unda o‘zbekistonliklar Italiya bilan bellashdi. 

Bellashuvni O‘zbekiston terma jamoasi g‘alaba bilan boshladi. Murodjon Yo‘ldoshev (-73 kg) Manuel Lombardoni qo‘shimcha daqiqalarda mag‘lubiyatga uchratdi.

Ikkinchi bo‘lib tatamiga chiqqan Gulnoza Matniyazova Savita Russodan ustun keldi va orqadagi farqni kattalashtirdi.

Uchinchi bahsda Davlat Bobonov Kristian Parlatiga imkoniyatni boy berib qo‘ydi: 2:1.

4-bo‘lib tatamiga chiqqan, Irisxon Qurbonboyeva hamda 5-bo‘lib chiqqan  Alisher Yusupov mag‘lubiyatga uchradi va Italiya oldinga chiqib oldi.  

Hal qiluvchi bahsda Shukurjon Aminova qiyin kechgan uchrashuvning qo‘shimcha daqiqalarida mag‘lubiyatga uchradi. 
Endi o‘zbekistonliklar bronza uchun o‘tish turnirida qatnashadi. Unda Janubiy Koreya raqiblik qiladi.