"Chelsi" klubi va Angliya terma jamoasi yarim himoyachisi Konor Gallaxer o‘z taqdiri haqida o‘ylamoqda, deb xabar beradi taniqli jurnalist Fabrisio Romano X ijtimoiy tarmog‘ida (sobiq Twitter).
Manbaga ko‘ra, bugun londonliklar va futbolchining atrofidagilar o‘rtasida muzokaralarning yangi bosqichi bo‘lib o‘tdi.
Qayd etilishicha, “Chelsi” rahbariyati “Real”ga erkin agent sifatida o‘tgan klubning sobiq himoyachisi Antonio Ryudiger bilan bo‘lgan voqeani takrorlashdan manfaatdor emas.
Shu bilan birga, ingliz futbolchisi bilan muzokara olib borayotgan Madridning “Atletiko” klubi shu hafta yakuniy qaror qabul qilinishini talab qilmoqda.
