"Челси" клуби ва Англия терма жамоаси ярим ҳимоячиси Конор Галлахер ўз тақдири ҳақида ўйламоқда, деб хабар беради таниқли журналист Фабрицио Романо Х ижтимоий тармоғида (собиқ Twitter).
Манбага кўра, бугун лондонликлар ва футболчининг атрофидагилар ўртасида музокараларнинг янги босқичи бўлиб ўтди.
Қайд этилишича, “Челси” раҳбарияти “Реал”га эркин агент сифатида ўтган клубнинг собиқ ҳимоячиси Антонио Рюдигер билан бўлган воқеани такрорлашдан манфаатдор эмас.
Шу билан бирга, инглиз футболчиси билан музокара олиб бораётган Мадриднинг “Атлетико” клуби шу ҳафта якуний қарор қабул қилинишини талаб қилмоқда.
