Valter Sabatinining fikricha, Romelu Lukaku "Napoli"ga juda mos keladi.

Avvalroq, Neapol klubi rahbariyati va «Chelsi» o‘rtasida belgiyalik 31 yoshli hujumchining transferi bo‘yicha muzokaralar olib borilayotgani haqida xabar berilgandi.

Shuningdek, Viktor Osimxen ushbu transfer oynasida "Napoli"ni tark etishi mumkin. Nigeriyalik futbolchiga "PSJ" faol qiziqish bildirmoqda.

"Osimxenning ketishi menga tabiiy jarayondek tuyuladi: u ma’lum lahzalarda ham o‘yin, ham hissiyotlar nuqtayi nazaridan jamoa talablariga javob bermaydigan futbolchidek tuyuladi.

Osimxen ajoyib o‘yinchi bo‘lsa-da, yuqori maosh oladi va sotilganda sezilarli foyda olib kelishi mumkin, buni e’tiborsiz qoldirib bo‘lmaydi.

Shunga qaramay, ular unga munosib o‘rinbosar topadilar: Lukaku va Konte o‘tmishdan kelib chiqqan holda muvaffaqiyat kafolatidir.

Konte murabbiylik qiladigan Lukaku 20 ta gol ura oladigan futbolchi. Hujumchi uchun 31 yosh yetuklik yoshi bo‘lsa, hammasi murabbiyga, jamoadoshlariga va motivasiyasiga bog‘liq bo‘ladi.

Lekin, albatta, Neapol ajoyib rag‘batlantiruvchi shahardir. Kontening o‘yiniga to‘g‘ri integrasiyalashgan Romelu bu jamoada juda yaxshi natijalarga erisha oladi", - dedi “Roma” va “Inter”ning sobiq direktori Sabatini.