Вальтер Сабатинининг фикрича, Ромелу Лукаку "Наполи"га жуда мос келади.
Аввалроқ, Неапол клуби раҳбарияти ва «Челси» ўртасида бельгиялик 31 ёшли ҳужумчининг трансфери бўйича музокаралар олиб борилаётгани ҳақида хабар берилганди.
Шунингдек, Виктор Осимхен ушбу трансфер ойнасида "Наполи"ни тарк этиши мумкин. Нигериялик футболчига "ПСЖ" фаол қизиқиш билдирмоқда.
"Осимхеннинг кетиши менга табиий жараёндек туюлади: у маълум лаҳзаларда ҳам ўйин, ҳам ҳиссиётлар нуқтайи назаридан жамоа талабларига жавоб бермайдиган футболчидек туюлади.
Осимхен ажойиб ўйинчи бўлса-да, юқори маош олади ва сотилганда сезиларли фойда олиб келиши мумкин, буни эътиборсиз қолдириб бўлмайди.
Шунга қарамай, улар унга муносиб ўринбосар топадилар: Лукаку ва Конте ўтмишдан келиб чиққан ҳолда муваффақият кафолатидир.
Конте мураббийлик қиладиган Лукаку 20 та гол ура оладиган футболчи. Ҳужумчи учун 31 ёш етуклик ёши бўлса, ҳаммаси мураббийга, жамоадошларига ва мотивациясига боғлиқ бўлади.
Лекин, албатта, Неапол ажойиб рағбатлантирувчи шаҳардир. Контенинг ўйинига тўғри интеграциялашган Ромелу бу жамоада жуда яхши натижаларга эриша олади", - деди “Рома” ва “Интер”нинг собиқ директори Сабатини.
