«Bavariya» sport direktori Maks Eberl «Manchester Yunayted» Myunxen klubining niderlandiyalik himoyachisi Matteys de Ligtga qiziqish bildirayotgani haqidagi ma’lumotga javob berdi.
«Agar (de Ligt transferi) sodir bo‘lsa, bu haqda keyin ko‘proq gaplashaman. Bu hali sodir bo‘lmadi. Matteys bu yerda ikki yil o‘tkazdi, u juda yaxshi o‘ynadi, ko‘plab muxlislar uni yoqtirishadi. Biroq, uning fikrini inobatga olgan holda to‘g‘ri qaror qabul qilish kerak. Ammo hozir u «Bavariya» futbolchisi. U klubda bo‘lganida esa biz tomonimizdan qo‘llab-quvvatlanadi», - dedi funksioner.
Oldinroq OAVda MYU de Ligt uchun «Bavariya»ga 40 million yevro taklif qilgani, ammo nemis grandi 50 million yevro olmoqchi ekanligi haqida ma’lumot paydo bo‘lgandi.
