«Бавария» спорт директори Макс Эберль «Манчестер Юнайтед» Мюнхен клубининг нидерландиялик ҳимоячиси Маттейс де Лигтга қизиқиш билдираётгани ҳақидаги маълумотга жавоб берди.

«Агар (де Лигт трансфери) содир бўлса, бу ҳақда кейин кўпроқ гаплашаман. Бу ҳали содир бўлмади. Маттейс бу ерда икки йил ўтказди, у жуда яхши ўйнади, кўплаб мухлислар уни ёқтиришади. Бироқ, унинг фикрини инобатга олган ҳолда тўғри қарор қабул қилиш керак. Аммо ҳозир у «Бавария» футболчиси. У клубда бўлганида эса биз томонимиздан қўллаб-қувватланади», - деди функционер.

Олдинроқ ОАВда МЮ де Лигт учун «Бавария»га 40 миллион евро таклиф қилгани, аммо немис гранди 50 миллион евро олмоқчи эканлиги ҳақида маълумот пайдо бўлганди.