"Arsenal" "Manchester Siti" va Argentina terma jamoasi hujumchisi Xulian Alvaresga qiziqish bildirmoqda, deb xabar bermoqda The Sun nashri.
Manbaga ko‘ra, londonliklar futbolchining iqtidoriga ishonishmoqda. Xabar qilinishicha, "Arsenal" yil boshida transfer oynasida ikkita yirik xarid - darvozabon David Rayya va himoyachi Rikkardo Kalafyorini o‘z safiga qo‘shib olishgan bo‘lishiga qaramay, Alvaresning ham transferini amalga oshirishga tayyor. "Manchester Siti" argentinalik futbolchini 80 million yevroga baholamoqda, agar "Arsenal" o‘yinchini klubning ikki nafar bitiruvchisi - Reyss Nelson va Eddi Nketiani sotgan taqdirdagina Alvaresni sotib olishi mumkin.
O‘tgan mavsumda 24 yoshli hujumchi barcha turnirlarda 54 ta o‘yinda qatnashib, 19 ta gol va 13 ta golli uzatmani amalga oshirgan. Futbolchining klub bilan amaldagi mehnat shartnomasi 2028 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 90 million yevroni tashkil qiladi.
