"Арсенал" "Манчестер Сити" ва Аргентина терма жамоаси ҳужумчиси Хулиан Альваресга қизиқиш билдирмоқда, деб хабар бермоқда The Sun нашри.

Манбага кўра, лондонликлар футболчининг иқтидорига ишонишмоқда. Хабар қилинишича, "Арсенал" йил бошида трансфер ойнасида иккита йирик харид - дарвозабон Давид Райя ва ҳимоячи Риккардо Калафьорини ўз сафига қўшиб олишган бўлишига қарамай, Альвареснинг ҳам трансферини амалга оширишга тайёр. "Манчестер Сити" аргентиналик футболчини 80 миллион еврога баҳоламоқда, агар "Арсенал" ўйинчини клубнинг икки нафар битирувчиси - Рейсс Нелсон ва Эдди Нкетиани сотган тақдирдагина Альваресни сотиб олиши мумкин.

Ўтган мавсумда 24 ёшли ҳужумчи барча турнирларда 54 та ўйинда қатнашиб, 19 та гол ва 13 та голли узатмани амалга оширган. Футболчининг клуб билан амалдаги меҳнат шартномаси 2028 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 90 миллион еврони ташкил қилади.