"Liverpul" safida gruziyalik futbolchi paydo bo‘lishi mumkin.
Jurnalist Nacho Sanchisning ijtimoiy tarmoqlarda xabar berishicha, "mersisaydliklar" klubi darvozabon Giorgi Mamardashvili borasida "Valensiya" bilan muzokara olib bormoqda.
"Liverpul" 23 yoshli Mamardashvili uchun 30 million yevrodan ko‘proq to‘lashga tayyor. Ingliz klubi gruziyalikning asosiy tarkibda bo‘lishni xohlashini biladi. Shu sababdan “qizillar” Mamardashvili bilan shartnoma imzolab, so‘ngra ijaraga berishni va Alisson klubni tark etganida uni qaytarishi mumkin. Aytish joizki, Giorgiy Mamardashvili 2024 yilgi Yevropa chempionatida Gruziya terma jamoasi tarkibida yaxshi o‘ynadi.
