Madridning «Atletiko» klubi Samu Omorodionni «Chelsi»ga sotishga tayyor.

Madrid klubi 20 yoshli hujumchi uchun 35 million funt sterlinglik transfer taklifini qabul qiladi, deya xabar beradi Fabrisio Romano. Futbolchi vakillari allaqachon londonliklar bilan hamkorlik shartlarini muhokama qilishmoqda.

Qayd etilishicha, «Atletiko» «Manchester Siti» bilan Xulian Alvaresning transferi borasida kelishib olgandagina Omorodionni qo‘yib yuboradi.

2023/24 yilgi mavsumda Samu «Alaves» safida ijara asosida o‘ynadi va La Liganing 34 ta uchrashuvida 8 ta gol urdi.