Мадриднинг «Атлетико» клуби Саму Омородионни «Челси»га сотишга тайёр.

Мадрид клуби 20 ёшли ҳужумчи учун 35 миллион фунт стерлинглик трансфер таклифини қабул қилади, дея хабар беради Фабрицио Романо. Футболчи вакиллари аллақачон лондонликлар билан ҳамкорлик шартларини муҳокама қилишмоқда.

Қайд этилишича, «Атлетико» «Манчестер Сити» билан Хулиан Альвареснинг трансфери борасида келишиб олгандагина Омородионни қўйиб юборади.

2023/24 йилги мавсумда Саму «Алавес» сафида ижара асосида ўйнади ва Ла Лиганинг 34 та учрашувида 8 та гол урди.