«Atletiko» Xulian Alvaresning transferiga Joau Feliksni qo‘shmoqchi.
Madrid klubi rahbariyati «Manchester Siti»ga 24 yoshli portugaliyalik vingerni sotib olish imkoniyati bilan ijaraga berishni, shuningdek, Xulian Alvaresning transferi uchun qo‘shimcha to‘lovni taklif qilmoqda.
2021 yilda «Siti» Joau Feliksga qiziqish bildirgan edi, ammo transfer oxir-oqibat amalga oshmadi.
Shu bilan birga, «shaharliklar» rahbariyati Alvaresni klubda saqlab qolmoqchi va uning transferini 75 million funt va yana 10 million bonusga baholamoqda.
Xabar qilinishicha, Alvares ispan klubiga o‘tishga qiziqmoqda va avvalroq «Manchester Siti»ning asosiy o‘yinlarida yetarlicha o‘ynamaganidan noroziligini bildirgandi.
Argentinalik futbolchi o‘tgan mavsumda APLda 36 ta o‘yinda maydonga tushib, 11 ta gol urdi va 9 ta golli uzatmani amalga oshirdi.
Joau Feliks «Barselona» safida La Ligada 30 ta o‘yinda 7 ta gol va 3 ta golli uzatmaga mualliflik qilgan.
