«Barselona» «RB Leypsig» yarim himoyachisi Dani Olmoning transferi ustida ishlamoqda.
Ma’lumki, Kataloniya klubi «qizil buqalar» rahbariyatining Ispaniya terma jamoasining 26 yoshli futbolchisiga qo‘ygan talablarini qondira olmayapti, Yevropa chempionining agenti esa kelishuv amalga oshishini ma’qul ko‘rmoqda. "Barca Universal" xabariga ko‘ra, Olmoning vakili seshanba kuni «Barselona» sport direktori Deku bilan uchrashadi - bu uchrashuv hal qiluvchi bo‘lishi mumkin.
Eslatib o‘tamiz, «RB Leypsig» Dani Olmo uchun bir martalik to‘lov evaziga 60 million yevro olish niyatida. Blaugrana summani bir necha qismga bo‘lishni xohlaydi.
