«Барселона» «РБ Лейпциг» ярим ҳимоячиси Дани Ольмонинг трансфери устида ишламоқда.
Маълумки, Каталония клуби «қизил буқалар» раҳбариятининг Испания терма жамоасининг 26 ёшли футболчисига қўйган талабларини қондира олмаяпти, Европа чемпионининг агенти эса келишув амалга ошишини маъқул кўрмоқда. "Barca Universal" хабарига кўра, Ольмонинг вакили сешанба куни «Барселона» спорт директори Деку билан учрашади - бу учрашув ҳал қилувчи бўлиши мумкин.
Эслатиб ўтамиз, «РБ Лейпциг» Дани Ольмо учун бир марталик тўлов эвазига 60 миллион евро олиш ниятида. Блауграна суммани бир неча қисмга бўлишни хоҳлайди.
