"Lill" hujumchisi Jonatan Devid bu yozda Italiya top-klubini rad etdi. Fransiyaning L'Equipe nashri ma’lumotlariga ko‘ra, kanadalik forvard Daniele de Rossining jamoasiga o‘tishni istamagan.

Shu bilan birga, manbaning xabar berishicha, hujumchiga Londonning “Tottenxem” klubi qiziqmoqda. Ayni damda “shporlar” yangi hujumchi qidirmoqda, Devid esa Angelos Postekoglu boshchiligidagi murabbiylar shtabi uchun jozibador variant.

24 yoshli Devid Fransiyaning chempionati o‘tgan mavsumida 19 ta gol urdi va 4 ta golli uzatmani amalga oshirdi.