"Лилль" ҳужумчиси Жонатан Дэвид бу ёзда Италия топ-клубини рад этди. Франциянинг L'Equipe нашри маълумотларига кўра, канадалик форвард Даниэле де Россининг жамоасига ўтишни истамаган.
Шу билан бирга, манбанинг хабар беришича, ҳужумчига Лондоннинг “Тоттенхэм” клуби қизиқмоқда. Айни дамда “шпорлар” янги ҳужумчи қидирмоқда, Дэвид эса Ангелос Постекоглу бошчилигидаги мураббийлар штаби учун жозибадор вариант.
24 ёшли Дэвид Франциянинг чемпионати ўтган мавсумида 19 та гол урди ва 4 та голли узатмани амалга оширди.
