Reynyer "Real"dan "Rayo Valyekano"ga o‘tishi mumkin.

AS nashri xabariga ko‘ra, "Rayo" yarim himoyachiga qiziqayotgan klublardan biri va uning holatini diqqat bilan kuzatib bormoqda. Ijara yoki doimiy transfer bo‘lishi mumkin, ammo hozircha rasmiy taklif yuborilmagan.

Reynyer 30 million yevro evaziga "Flamengo"dan "Real Madrid"ga o‘tgan, biroq "Los Blankos" safida birorta ham rasmiy o‘yinda maydonga tushmagan. 2020 yildan beri u "Borussiya", "Jirona" va "Frozinone"da ijara asosida o‘ynadi va shu yozda "Kastilya"ga o‘tdi.

Yaqinda "Ilyeskas" jamoasiga qarshi o‘rtoqlik uchrashuvida yarim himoyachi xet-trik qayd etdi. Karlo Anchelotti o‘yinni tribunadan kuzatdi, biroq keyinchalik futbolchini jamoaning AQSH bo‘ylab safariga olib ketmadi. Qayd etilishicha, Reynyer bosh murabbiyning qarorini "tushunmagan". Ehtimol, u kelajakda o‘ziga ishonmaydigan klubni tark etishi mumkin.

Braziliyalik futbolchining amaldagi shartnomasi 2026 yilgacha mo‘ljallangan. Transfermarkt uning narxini 3,5 million yevroga baholamoqda.