O‘zbekiston Kubogi chorak finalidan o‘rin olgan «Qizilqum» – «Andijon» (0:3) uchrashuvidan keyin mehmonlar bosh murabbiyi Aleksandr Xomyakov o‘z fikrlari bilan o‘rtoqlashdi.

— Dastlab barchani jamoamizni yarim finalga chiqqani bilan tabriklayman. Bizni shunday muxlislarimiz borki, ular xursandchiligimizda ham, xafagarchiligimizda ham biz bilan birga bo‘ladilar. Har doim ularni jamoamiz bilan birga ekanligini his qilib turamiz. Ishqibozlarimizning ajoyib qo‘llab-quvvatlashi sababli biz yaxshi o‘yin ko‘rsata olamiz. Hammaga rahmat, yigitlarga o‘z minnatdorchiligimni bildiraman. Oddiy o‘yin bo‘lmadi, qiziqarli uchrashuv bo‘ldi. Raqibimiz – «Qizilqum» ham yaxshi harakat qildi. Lekin biz ustunlikka erishdik va yana oldinga intilishda davom etamiz.

— «Qizilqum»ni tarkibidan kelib chiqib, bugungi o‘yindan qoniqdingizmi?

— Tushunaman, biz ham raqibdan boshqacha tarkib va boshqacha o‘yin kutgandik. Raqib tarkibi haqidagi savol menga berilmasligi kerak, deb o‘ylayman. Qaysidir tomondan bunday tarkib o‘ynagani bizga syurpriz bo‘ldi, deyishim ham mumkin. Biz o‘z oldimizga qo‘yilgan vazifani bajardik.

— Yarim finalda qaysi jamoa bilan o‘ynashni xohlayapsiz?

— Kutamiz. Hozir biror narsa deya olmayman. Qolgan o‘yinlar natijalarini kutamiz.

— «Andijon» Osiyo maydonlariga chiqishni Kubok orqali hal qila oladimi?

— Kelinglar, hammasini biroz kutib turaylik. Hali keyingi o‘yinlar bor. Men esa o‘zimizni haqiqiy fidoiy ishqibozlarimizni g‘alaba bilan yana bir bor tabriklayman. Chunki bu «Andijon» futbolida O‘zbekiston Kubogida hozircha eng yuqori natijasi bo‘lib turibdi. Shu bois barchani tabriklayman. Keyingi uchrashuvlarda ham yaxshi natijalar ko‘rsatishga harakat qilamiz.