Londonning "Chelsi" klubi "Atletiko Madrid" hujumchisi Samuel Omorodionni tibbiy ko‘rikdan o‘tkazishni rejalashtirgan. Eslatib o‘tamiz, “ko‘klar” avvalroq “matraschilar” bilan ispaniyalikning 40 million yevro tovon puli evaziga sotib olishni kelishib olgandi.
Omorodion hozirda Olimpiya o‘yinlari uchun Parijda bo‘lib turibdi, u yerda tez orada Ispaniya terma jamoasining finalida Fransiyaga qarshi o‘ynaydi. "Chelsi" futbolchining klubning Kobxem mashg‘ulot maydoniga kelishini kutmaydi. Omorodion bugun Parijda tibbiy ko‘rikdan o‘tishi kutilmoqda.
20 yoshli Omorodion o‘tgan mavsumda "Alaves" safida ijara asosida o‘ynadi. Ispaniya chempionatining so‘nggi mavsumida hujumchi 8 ta gol urdi.
