Лондоннинг "Челси" клуби "Атлетико Мадрид" ҳужумчиси Самуэль Омородионни тиббий кўрикдан ўтказишни режалаштирган. Эслатиб ўтамиз, “кўклар” аввалроқ “матрасчилар” билан испанияликнинг 40 миллион евро товон пули эвазига сотиб олишни келишиб олганди.
Омородион ҳозирда Олимпия ўйинлари учун Парижда бўлиб турибди, у ерда тез орада Испания терма жамоасининг финалида Францияга қарши ўйнайди. "Челси" футболчининг клубнинг Кобхэм машғулот майдонига келишини кутмайди. Омородион бугун Парижда тиббий кўрикдан ўтиши кутилмоқда.
20 ёшли Омородион ўтган мавсумда "Алавес" сафида ижара асосида ўйнади. Испания чемпионатининг сўнгги мавсумида ҳужумчи 8 та гол урди.
