«Real» hujumchisi Rodrigo jamoasini o‘zgartirmoqchi emas. Mish-mishlar doimo braziliyalikni ehtimoliy ketish bilan bog‘layotgandi - u Kilian Mbappe kelgach «Los-Blankos»ning asosiy tarkibidagi o‘rnini yo‘qotish xavfi bor.
"Diario AS" xabariga ko‘ra, Rodrigo «Real Madrid»da baxtli va klub unga ishonishini his qilmoqda. 23 yoshli forvard biror joyga ko‘chib o‘tish imkoniyatini o‘ylamayapti.
«Manchester Siti» Rodrigoga asosiy da’vogar sifatida ko‘rilmoqda. Malumotlarga ko‘ra, futbolchi bilan «shaharliklar» bosh murabbiyi Pep Gvardiolaning shaxsan o‘zi qiziqmoqda.
Braziliya terma jamoasi futbolchisining «Qirollik klubi» bilan shartnomasi 2028 yilgacha mo‘ljallangan va transfer qiymati, "Transfermarkt" ma’lumotlariga ko‘ra, 110 million yevroni tashkil qiladi.
