«Реал» ҳужумчиси Родриго жамоасини ўзгартирмоқчи эмас. Миш-мишлар доимо бразилияликни эҳтимолий кетиш билан боғлаётганди - у Килиан Мбаппе келгач «Лос-Бланкос»нинг асосий таркибидаги ўрнини йўқотиш хавфи бор.
"Diario AS" хабарига кўра, Родриго «Реал Мадрид»да бахтли ва клуб унга ишонишини ҳис қилмоқда. 23 ёшли форвард бирор жойга кўчиб ўтиш имкониятини ўйламаяпти.
«Манчестер Сити» Родригога асосий даъвогар сифатида кўрилмоқда. Малумотларга кўра, футболчи билан «шаҳарликлар» бош мураббийи Пеп Гвардиоланинг шахсан ўзи қизиқмоқда.
Бразилия терма жамоаси футболчисининг «Қироллик клуби» билан шартномаси 2028 йилгача мўлжалланган ва трансфер қиймати, "Transfermarkt" маълумотларига кўра, 110 миллион еврони ташкил қилади.
