"Aston Villa" Joau Feliksni sotib olmoqchi.

Caughtoffside xabariga ko‘ra, Birmingem klubi portugaliyalik uchun "Atletiko"ga 60 million yevro taklif qilishga tayyor. Madrid klubi futbolchi uchun aynan shu miqdorni talab qilayotgani avvalroq xabar qilingandi.

Biroq, birmingemliklar "matraschilar" Feliksni sotishga rostdan qiziqsa, o‘z talablarida moslashuvchan bo‘lishini rejalashtirmoqda.

Feliks o‘tgan mavsumni "Barselona"da ijara asosida o‘tkazdi. Kataloniya klubi safida u La Ligada 30 ta o‘yin o‘tkazib, 7 ta gol urdi va 3 ta golga assistentlik qildi.