"Barselona"ning sobiq bosh murabbiyi Xavi yarim himoyachi Serxi Robertoning kataloniyaliklar jamoasini tark etgani haqida fikr bildirdi.

"Hamma narsada o‘rnak", - deb yozdi Xavi ijtimoiy tarmoqlaridan birida.

Eslatib o‘tamiz, o‘tgan mavsumda Serxi Roberto barcha turnirlarda 24 ta o‘yinda qatnashib, 3 ta gol va 3 ta golli uzatmaga mualliflik qilgan. Roberto "Barselona" safida jami 373 ta o‘yin o‘tkazib, 26 ta gol urdi va 46 ta golli uzatmani amalga oshirdi.

Futbolchining klub bilan tuzilgan shartnomasi 2024 yilning 30 iyuniga qadar amalda edi. Transfermarkt portalida berilgan ma’lumotlarga ko‘ra, futbolchining bozor qiymati 2,5 million yevroni tashkil qiladi.