"Tottenxem" yarim himoyachisi Iv Bissuma ziyofatda ko‘ngilxushlik qilish uchun gaz qabul qildi.
The Sun nashrining yozishicha, hodisa "Tottenxem" va "Bavariya" o‘rtasidagi o‘rtoqlik uchrashuvidan (2:3) keyin sodir bo‘lgan.
Bissumaning Snapchat ijtimoiy tarmog‘ida olib borgan efirida futbolchi do‘stlari bilan limuzinda ko‘ngilxushlik gazidan foydalangani ko‘rsatilgan. Keyinchalik Bissuma "jiddiy beparvolik" uchun uzr so‘rab videomurojaat yozdi.
Qayd etilishicha, o‘tgan yili Angliyada ko‘ngilxushlik gazi deb ataladigan azot oksididan foydalanish taqiqlangan edi – bu qoidabuzarlik uchun takroriy huquqbuzarlar 2 yilgacha qamoq jazosi va cheksiz jarimaga tortilishi mumkin. Guvohning so‘zlariga ko‘ra, polisiya Bissumaga nisbatan tekshiruv o‘tkazishi mumkin, "Tottenxem" esa yarim himoyachiga nisbatan sanksiyalar qo‘llashi mumkin.
"Tottenxem" vaziyatni o‘rganishini aytdi.
