Myunxenning «Bavariya» klubi «Renn» yarim himoyachisi Dezire Duening «PSJ»ga o‘tish qaroridan norozi bo‘ldi. Jurnalist Florian Plettenberg xabariga ko‘ra, «Bavariya» rahbariyati avvalroq futbolchining o‘zi va rahbariyatidan ijobiy signallarni his qilgan. Myunxenliklar kurashda g‘alaba qozonishlariga ishonishgandi.
Eslatib o‘tamiz, kecha Due «Bavariya» vakillariga «PSJ»ga o‘tishga qaror qilganini aytgandi. Myunxenliklar sport direktorlari Kristof Froynd va Maks Eberl, shuningdek, bosh murabbiy Vensan Kompani fransiyalik futbolchini qo‘lga kiritmoqchi edi.
19 yoshli Due Fransiya chempionatining o‘tgan mavsumida 4 ta gol urdi va 4 ta golli uzatmani amalga oshirdi.
