Мюнхеннинг «Бавария» клуби «Ренн» ярим ҳимоячиси Дезире Дуэнинг «ПСЖ»га ўтиш қароридан норози бўлди. Журналист Флориан Плеттенберг хабарига кўра, «Бавария» раҳбарияти аввалроқ футболчининг ўзи ва раҳбариятидан ижобий сигналларни ҳис қилган. Мюнхенликлар курашда ғалаба қозонишларига ишонишганди.

Эслатиб ўтамиз, кеча Дуэ «Бавария» вакилларига «ПСЖ»га ўтишга қарор қилганини айтганди. Мюнхенликлар спорт директорлари Кристоф Фройнд ва Макс Эберль, шунингдек, бош мураббий Венсан Компани франциялик футболчини қўлга киритмоқчи эди.

19 ёшли Дуэ Франция чемпионатининг ўтган мавсумида 4 та гол урди ва 4 та голли узатмани амалга оширди.