«PSJ» klubining italiyalik darvozaboni Janluidji Donnarumma jamoadagi raqamini o‘zgartirdi. Endi uning raqami 99'dan 1'ga o‘zgardi. Bu haqdagi videoni darvozabon ijtimoiy tarmog‘ida bo‘lishdi.
Eslatib o‘tamiz, Donnarumma joriy mavsumda «PSJ» safida rossiyalik darvozabon Matvey Safonov bilan birinchi raqamli posbon bo‘lish uchun kurash olib boradi. Rossiyalik futbolchi Parij klubiga yozgi transferdan so‘ng «Krasnodar»dan kelib qo‘shildi. Yozda Donnarumma Italiya terma jamoasi bilan Germaniyada Yevro-2024 da o‘ynadi, Adzurra jamoasi Janluiji bilan birgalikda turnirning 1/8 finaliga chiqdi - u yerda italiyaliklarni Shveysariya terma jamoasi to‘xtatdi. Italiyalik darvozabon 2021 yildan buyon «PSJ»da o‘ynab kelmoqda.