«ПСЖ» клубининг италиялик дарвозабони Жанлуиджи Доннарумма жамоадаги рақамини ўзгартирди. Энди унинг рақами 99'дан 1'га ўзгарди. Бу ҳақдаги видеони дарвозабон ижтимоий тармоғида бўлишди.

Эслатиб ўтамиз, Доннарумма жорий мавсумда «ПСЖ» сафида россиялик дарвозабон Матвей Сафонов билан биринчи рақамли посбон бўлиш учун кураш олиб боради. Россиялик футболчи Париж клубига ёзги трансфердан сўнг «Краснодар»дан келиб қўшилди. Ёзда Доннарумма Италия терма жамоаси билан Германияда Евро-2024 да ўйнади, Адзурра жамоаси Жанлуижи билан биргаликда турнирнинг 1/8 финалига чиқди - у ерда италияликларни Швейцария терма жамоаси тўхтатди. Италиялик дарвозабон 2021 йилдан буён «ПСЖ»да ўйнаб келмоқда.