"Liverpul" vingeri Luis Dias yana "Barselona"ning transfer maqsadiga aylandi. "Blaugrana" Bilbaoning "Atletik" futbolchisi Niko Uilyams bo‘yicha muzokaralarda muvaffaqiyatsizlikka uchragan ko‘rinadi va endi Dias uchun taklif berishga tayyor.
Jurnalist Pipe Siyerraning so‘zlariga ko‘ra, kolumbiyalik futbolchining narxi 75 million yevroni tashkil qiladi, biroq “Barselona” o‘z futbolchilarini shartnomaga qo‘shib, tovon puli miqdorini 60 milliongacha kamaytirishi mumkin.
Manbaning qayd etishicha, 27 yoshli mersisaydlik yulduzning Kataloniya klubiga o‘tishi juda real ko‘rinyapti.
