"Ливерпуль" вингери Луис Диас яна "Барселона"нинг трансфер мақсадига айланди. "Блауграна" Билбаонинг "Атлетик" футболчиси Нико Уильямс бўйича музокараларда муваффақиятсизликка учраган кўринади ва энди Диас учун таклиф беришга тайёр.

Журналист Пипе Сиерранинг сўзларига кўра, колумбиялик футболчининг нархи 75 миллион еврони ташкил қилади, бироқ “Барселона” ўз футболчиларини шартномага қўшиб, товон пули миқдорини 60 миллионгача камайтириши мумкин.

Манбанинг қайд этишича, 27 ёшли мерсисайдлик юлдузнинг Каталония клубига ўтиши жуда реал кўриняпти.