Londonning “Chelsi” va “Atletiko” klublari hujumchi Joau Feliksning transferi borasida haligacha kelisha olishmayapti. Jurnalist Markos Benito bergan ma’lumotlarga ko‘ra, "matraschilar" portugaliyalik uchun 60 million yevro olmoqchi, "ko‘klar" esa hozircha bor-yo‘g‘i 35 million yevro taklif qilmoqda.
Eslatib o‘tamiz, yarim himoyachi Konor Gallaxerning “Atletiko”ga o‘tishi haqidagi kelishuv Feliksning transferiga bog‘liq. Agar Joau «Stemford Brij»ga bormasa, ingliz futbolchisi "matraschilar" bilan shartnoma imzolamaydi.
Feliks avvalroq 2022/23 yilgi mavsumning ikkinchi yarmida “Chelsi”da ijara asosida o‘ynagan. So‘nggi mavsumda futbolchi "Barselona" safida o‘ynab, La Ligada 7 ta gol va 3 ta golli uzatmani amalga oshirdi.
