Лондоннинг “Челси” ва “Атлетико” клублари ҳужумчи Жоау Феликснинг трансфери борасида ҳалигача келиша олишмаяпти. Журналист Маркос Бенито берган маълумотларга кўра, "матрасчилар" португалиялик учун 60 миллион евро олмоқчи, "кўклар" эса ҳозирча бор-йўғи 35 миллион евро таклиф қилмоқда.
Эслатиб ўтамиз, ярим ҳимоячи Конор Галлахернинг “Атлетико”га ўтиши ҳақидаги келишув Феликснинг трансферига боғлиқ. Агар Жоау «Стэмфорд Бриж»га бормаса, инглиз футболчиси "матрасчилар" билан шартнома имзоламайди.
Феликс аввалроқ 2022/23 йилги мавсумнинг иккинчи ярмида “Челси”да ижара асосида ўйнаган. Сўнгги мавсумда футболчи "Барселона" сафида ўйнаб, Ла Лигада 7 та гол ва 3 та голли узатмани амалга оширди.
