"Yuventus" bosh murabbiyi Tiago Motta hujumchi Dushan Vlaxovichdan nimani kutayotganini tushuntirdi.
“Dushan yaxshi mashq qilmoqda, men u bilan ko‘p gaplashaman. O‘z darajasidagi hujumchi hujumda ham, himoyada ham ustun bo‘lishi kerak. U juda qattiq harakat qiladi va biz undan so‘ragan narsaga to‘liq e’tibor qaratadi. Bizga bosim o‘tkaza oladigan va pastdan hujumlarni qo‘llab-quvvatlay oladigan hujumchi kerak. Vlaxovich kundan-kunga yaxshilanib bormoqda”, - dedi Motta Sky Sport nashriga bergan intervyusida.
