“Roma” hujumchisi Paulo Dibala faoliyatini Saudiya Arabistonida davom ettirishga tayyor.

Italiyalik manbalarga ko‘ra, "bo‘rilar" forvardi Saudiyaning "Al-Qodisiya" klubi bilan kelishib olgan, u yiliga 20 million yevro maosh bilan uch yillik shartnoma taklif qilgan.

Football Italia xabariga ko‘ra, "Roma" argentinalik futbolchini sotishdan taxminan 15 million yevro ishlab olishni kutmoqda. 30 yoshli futbolchining shartnomasidagi 12 million yevrolik tovon puli endi o‘z nihoyasiga yetdi, shu bois jahon chempionini o‘ziga jalb qilmoqchi bo‘lganlar to‘g‘ridan-to‘g‘ri Rim klubi bilan kelishib olishlari kerak.